Gürcüstan ruhaniləri İsveçdə Quranın yandırılmasını pisləyib

Gürcüstan ruhaniləri İsveçdə Quranın yandırılmasını pisləyib
Yayınlanma tarixi: 23.01.2023 12:08:13

Gürcüstan ruhaniləri İsveçdə Qurani-Kərimin yandırılmasını qətiyyətlə qınayıblar.

İslamazeri.com xəbər verir ki, Gürcüstan Müsəlmanları İdarəsinin nəzdində fəaliyyət göstərən Gürcüstan Ruhaniləri Heyətinin üzvləri İsveçin Stokholm şəhərindəki Türkiyə səfirliyinin qarşısında Danimarkanın "Sərt Kurs" Partiyasının lideri Rasmus Paludanın tərəfindən Quranın yandırılması addımı ilə bağlı bəyanat yayıblar.

Bəyanatda deyilir:

Bağışlayan və mehriban Allahın adı ilə

“Ey iman gətirənlər, özünüzü gözləyin! Əgər siz özünüz doğru yolda olsanız, yolunu azmış kəs sizə heç bir zərər yetirə bilməz (hərçənd ki, onu da doğru yola dəvət etməlisiniz). Hamınızın qayıdışı Allaha tərəfdir. Beləliklə O, sizi etdiklərinizdən xəbərdar edəcəkdir.” (Maidə, 105)

Səmavi kitabların sonuncusu olaraq bəşəriyyətin hidayəti üçün Allah tərəfindən endirilən Qurani-Kərimin yandılıması insanlıqdan uzaq iyrənc bir əməldir. Özünü dünyaya sivil, azadlıqsevər, insan haqlarına diqqət edən, demokratiya dəyərlərinin müdafiəçisi qismində çıxış edən bir ölkədə ilahi kitaba hörmətsizlik milyonlarla müsəlmanın heysiyyətinə toxunmaqla dini zəmində qarşıdurmaya təhrik edən nifrət çağırışıdır. Təəsüflə son illərdə ABŞ və bzəi Avropa ölkələrində islamofobik və ksenefobik məqsdələr üçün atılan belə addımlara çox rast gəlinilir.

Biz bütün dünya ictimaiyyətini bu məsuliyyətsiz və mənəviyyatsız hərəkətə qarşı birgə olmağa, ciddi qınaq mövqeyindən çıxış etməyə, təxribatçıların öz mənfur niyyətlərinə çatmalarının qarşısını almaqda həmrəy olmağa çağırırıq. Dinlərin dəyərlərinin və atributlarının təhqir olunması hallarını qətiyyətlə pisləyirik.

GÜNÜN MANŞETLERİ