EURO 1,8859 TRY 0,2965
USD 1,7 RUB 0,0256
  1. http://www.islamazeri.com/
  2. XƏBƏRLƏR
  3. TƏHSİL

Kateqoriya : XƏBƏRLƏR

TƏHSİL

Yayınlanma tarixi:03.06.2019 17:01:29

Pok Wong 2013-cü ildə Anglia Ruskin universitetini beynəlxalq biznes strategiyası üzrə bitirib.

Bitirdiyi universiteti "Mickey Mouse" diplomuna görə, yəni "əhəmiyyətsiz ixtisası aldadıcı reklamla bəyəndirdiyinə" görə, məhkəmyə verən xarici məzun məhkəmədənkənar qaydada əldə edilmiş razılıq əsasında həmin universitetdən £60000 məbləğində (təxminən $78000) təzminat alıb.

Pok Wong 2013-cü ildə Anglia Ruskin universitetini beynəlxalq biznes strategiyası üzrə bitirib.

Lakin məzun iddia edib ki, universitet "karyerasının perspektivini şişirdib" və saxta reklama görə universiteti məhkəməyə verib.

Anglia Ruskin universitetinin sözçüsü bildirib ki, iddiaçı ilə razılıq universitetin sığorta şirkətinin vəkillərilə razılaşdırılıb, universitet isə bunu dəstəkləməyib.

Fiona adı ilə də tanınan Pok Wong iddiasında qeyd edib ki, universitetin bukletində yerləşdirilmiş məlumat düzgün olmayıb.

O, BBC-yə 2018-ci ildə deyib: "Onlar elə bilir ki, xarici tələbələr [və] biz bura bir parça kağız, diplom üçün pul ödəməyə gəlirik."

"Lakin biz bura keyfiyyətli ixstisasa yiyələnmək, bilik almaq üçün gəlirik, - Pok Wong deyib. - Onlar bu universitetdə alınan ixtisasın əhəmiyyətini şişirdiblər, onlar əlaqələrinin əhatəliyini, öz nüfuzlarını şişirdiblər".

Ötən il Mərkəzi Londonun County məhkəməsi məsələni universitetin xeyrinə həll edərək Pok Wong-un Anglia Ruskin universitetinə məhkəmə xərclərinə görə £13700 məbləğdə ödəniş etməsi barədə qərar çıxarıb.

Lakin universitetin sığortaçısı keçmiş tələbəyə məktub yazaraq, ona £15000 məbləğdə olan iddiasını və əlavə olaraq çəkdiyi məhkəmə xərcini ödəməyi təklif edib.

Anglia Ruskin universitetinin sözçüsü deyib ki, Pok Wong-un idddiası "bir neçə dəfə rədd edilib və heç zaman təmin olunmayıb".

Universitet qeyd edib ki, sığortaçının vəkillərinin qərarını dəstəkləməyib: "Biz hesab edirik ki, onlar məsələyə başdansovdu və universitetin maraqlarının əksinə olaraq yanaşıblar ".

Pok Wong isə öz Facebook səhifəsində yazıb ki, universitet haqlı olmadığını inkar etsə də, "ödənişin verilməsi onun haqlı olduğunu təsdiqləyir".

Tələbə Milli İttifaqının (NUS) sözçüsü bu məsələylə əlaqədar deyib ki, "tələbələrin qanuna uyğun olaraq hüququları var və razılaşmanın əldə olunması barədə xəbər onlara hüquqlarının müdafəsi yolunu göstərir".

Lakin sözçü onu da əlavə edib ki, NUS tələbələrin maddi iddialar irəli sürməkdənsə onların təhsil prosesində "partnyor" mövqeyindən çıxış etmələrinə üstünlük verir.(bbc azerbaycanca)


Məzun "əhəmiyyətsiz ixtisasa" görə universitetdən 78 min dollar təzminat aldı

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Keçmiş KQB zabiti prezidentin müşaviri oldu, ictimaiyyət təsadüfən bildi...
    Gürcüstan prezidenti Salome Zurabişvili SSRİ Dövlət Təhlükəsizliyi Komitəsinin (DTK) keçmiş zabiti Dmitri Lejavanı özünün müdafiə və təhlükəsizlik üzrə müşaviri təyin edib.
     21.08.2019
    "Facebook" sosial şəbəkəsi yeni funksiyanı işə salır.
     21.08.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ