EURO 1,8823 TRY 0,2978
USD 1,7 RUB 0,0266
  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:06.11.2019 07:42:00

Müsavat Partiyasının qərargahında ölkədəki siyasi vəziyyət müzakirə edilib

İslamazeri.com "TURAN"a istinadən xəbər verir ki, noyabrın 5-də Müsavat Partiyasının qərargahında müxalif liderlərin və vətəndaş cəmiyyətin nümayəndələrin iştirak etdiyi dəyirmi masanın nəticələrinə dair bəyanat qəbul edilib. 

Bəyanatda deyilir ki, dəyirmi masanın iştirakçıları Müsavat Partiyasının başqanı Arif Hacılı, Azərbaycan Xalq Cəbhəsi Partiyasının sədri Əli Kərimli, Turan İA direktoru Mehman Əliyev, Milli Strateji Düşüncə Mərkəzinin rəhbəri İsa Qəmbər, politoloq Hikmət Hacızadə, keçmiş səhiyyə naziri Əli İnsanov, sabiq baş nazir Pənah Hüseyn Azərbaycanda hüquqi dövlət, demokratik cəmiyyət quruculuğu, Qarabağın işğaldan azad edilməsi və avtoritar rejimə qarşı mübarizədə funksional razılığa gəliblər. 

Dəyirmi masa iştirakçıları həm müxalifəti, həm iqtidarı siyasi mübarizədə mənəvi-əxlaq dəyərlərə, etik normalara əməl etməyə çağırıblar. 

İştirakçılar həmçinin beynəlxalq qurumlara müraciət edərək, Azərbaycanda fundamental insan hüquqlarının pozulmasına göz yummamağa, Azərbaycan üzərinə götürdüyü beynəlxalq öhdəlikləri yerinə yetirməsini daha təsirli vasitələrlə tələb etməyə çağırıb. 

Sonda iştirakçılar Azərbaycan hakimiyyətindən Konstitusiya və qamunlara əməl etməyi, korrupsiyaya son qoymağı, xalqın səsini dinləməyə tələb etdilər. 

Çıxışlar zamanı Arif Hacılı deyib: “Son dövrün prosesləri göstərdi ki, Azərbaycanda yeni siyasi vəziyyət yaranıb ki, bu da ölkədə dəyişiklikləri qaçılmaz edir”.

Ə.İnsanov öz çıxışında deyib ki, hakimiyyəti ələ keçirib idarə edən rejim çox aciz və qəddardır. Odur ki, rejimə qarşı birgə mübarizə aparmaq lazımdır.

O,  növbədənkənar parlament və prezident seçkiləri uğrunda mübarizə məqsədilə bütün siyasi qüvvələrin konsolidasiyasına çağırıb.

AXCP lideri Əli Kərimli hesab edir ki, hakim rejim tamamilə tükənib.  Əhali sevindirici bəyanatlara inanmır və ölkədə köklü dəyişikliklər istəyir.

19 oktyabr  mitinqi göstərdi ki,  ölkədə yeni siyasi situasiya yaranıb. Hakimiyyətin zorakılığına baxmayaraq,  minlərlə adam ölkənin dəyişdirilmsi üçün ayağa qalxdı. Hakimiyyətin islahatlar barədə bəyanatları yalandır və vətəndaşlarda inam yaratmır.

O, müxalifət daxilində münaqişələrə son qoyulmasına və siyasi məhbusların azadlığa buraxılması, sərbəst toplaşma, söz azadlığı uğrunda mübarizə səyləri birləşdirməyə  çağırıb.

Müsavat Partiyasının keçmiş sədri İ.Qəmbər qeyd edib ki, “xalq açıq şəkildə rejimin dəyiməsini istəyir.  O, müxalifəti Qarabağ probleminin ədalətli həlli, azad seçkilər və digər azadlıqlar uğrunda mübarizədə səylərini birləşdirməyə çağırıb.

Turan agentliyinin direktoru Mehman Əliyev deyib ki, ölkəni “sistemli böhran”dan çıxarmaq üçün təkcə siyasətçilər yox, bütün vətəndaşlar birləşməlidir. Kadr dəyişiklikləri, yol xəritələri ilə böhrandan çıxmaq mümkün deyil.

Hikmət Hacızadə müzakirələrdə irəli sürülən ideyaların reallaşması məqsədilə bir sıra proqram və müraciətlərin hazırlanmasını təklif edib. Bundan sonra müzakirələr mətbuatın iştirakı olmadan davam edib.


Müxalifət qüvvələri funksional əməkdaşlıq barədə razılığa gəlib

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Ruhani: ABŞ və İsrailin planı puç oldu! Qalib İrandır!
    İran prezidenti ölkədəki hadisələr barədə danışıb.
     20.11.2019
    Oqtay Gülalıyev təkrar əməliyyat olunacaq
    Noyabrın 20-də səhər saatlarında İstanbulun "Amerika Xəstəxanası"nda Oqtay Gülalıyevin növbəti neyrocərrahi əməliyyatı başlayıb
     20.11.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ