Türkiyə və Ermənistanın xüsusi nümayəndələri Sərdar Kılıç və Ruben Rubinyan Moskva danışıqlarının yekununda təmas nöqtələrini müəyyən etmək üçün konstruktiv və qeyri-siyasi istiqamətdə dialoq aparmağa dair razılığa gəliblər.

İslamazeri.com TASS-a istinadən xəbər verir ki, bu barədə Rusiya XİN-dən bildirilib.

“Tərəflər bəsitdən mürəkkəbə doğru “kiçik addımlarla” hərəkət edərək konstruktiv, qeyri-siyasi axarda, şəffaf və praktiki nəticələrə hədəflənmiş ruhiyyədə dialoq aparmağa dair razılaşıblar. İki ölkə xalqlarının xeyrinə olacaq, regionun sabitlik və iqtisadi tərəqqi maraqları çərçivəsində təmas nöqtələrinin axtarışının davam etdirilməsi şərtləşdirilib“, - deyə qeyd edilib.

Xatırladaq ki, görüş Rusiya XİN başçısının müavini Andrey Rudenkonun vasitəçiliyi ilə keçirilib.

Rusiya XİN: "Türkiyə və Ermənistanın xüsusi nümayəndələri razılığa gəldilər ki..."