Təcili

Məlumat

  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:25.01.2022 15:12:21

"Azərsu" ASC Tovuz rayonunda içməli sudan uçotsuz və sayğacdankənar xətlərdən istifadə halları aşkar edib.

Bu barədə İslamazeri.com-a qurumdan bildirilib.

Məlumatda deyilir ki, Prezident İlham Əliyevin təsdiqlədiyi “Su ehtiyatlarından səmərəli istifadənin təmin edilməsinə dair 2020-2022-ci illər üçün Tədbirlər Planı”na uyğun olaraq su itkilərinin və israfçılığın qarşısının alınması məqsədilə regionlarda nəzarət tədbirləri həyata keçirilir. İçməli sudan qanunsuz istifadə hallarının aşkarlanması və aradan qaldırılması məqsədilə “Azərsu”yun yaratdığı xüsusi qrupların araşdırmaları nəticəsində Tovuz rayonunda bəzi istehsal və xidmət obyektlərində içməli sudan qanunsuz istifadə edilməsinin, bağ və üzümlük sahələrinin suvarılmasının qarşısı alınıb.

Araşdırmalar zamanı məlum olub ki, Tovuz şəhərini içməli su ilə təmin edən 500 mm diametrli Zəyəmçay-Tovuz magistral su kəmərinə qeyri qanuni birləşmə verilib və buradan götürülən sudan üzümlüklər suvarılıb. Digər bağ sahəsinin su təchizatı sisteminə baxış keçirilərkən 3 ədəd su sayğacının quraşdırıldığı aşkarlansa da həmin sayğacların heç bir əhəmiyyət daşımadığı məlum olub. İbrahimhacılı kəndində isə yeni salınmış meyvə bağının suvarılması üçün yüksək təzyiqli magistral su kəmərindən qanunsuz birləşmə verilib. Zəyəmçay-Tovuz magistral kəmərinin Dondar Quşçu kəndi ərazisindən keçən hissəsində yaranan axıntı hesabına göl yaradılıb və nasoslar vasitəsilə həmin sudan suvarmada istifadə olunub.

Araşdırmalar nəticəsində Tovuz şəhərində dəyirmanda, avtoyuma və avtoservis məntəqəsində, kafe, çayxana, çörək, ət kəsimi, tamet sexlərində içməli sudan sayğacdankənar və qanunsuz istifadə halları aşkar edilərək həmin obyektlərin su təchizatı dayandırılıb. Eyni zamanda heç bir müqavilə bağlamadan və abonent kimi qeydiyyata düşməyən bəzi fərdi yaşayış evlərinin də içməli sudan qanunsuz istifadə etməsinin qarşısı alınıb.

Aşkarlanmış hər bir fakt üzrə zəruri tədbirlər görülüb, özbaşına çəkilmiş xətlər və qoşulmalar ləğv edilib, Sudan İstifadə Qaydalarının tələblərinə uyğun olaraq qanunsuz istifadəyə görə dəymiş ziyan hesablanıb. Vətəndaşları və sahibkarları bir daha bu cür əməllərdən çəkinməyə çağırır və bildiririk ki, belə qanunazidd halların qarşısını almaq üçün tədbirlər mütəmadi davam etdiriləcək, özbaşına çəkilmiş xətlər ləğv olunacaq, belə halları təkrar törədənlərlə bağlı hüquq-mühafizə orqanlarına müraciət olunacaq.

2021-ci ildə içməli sudan qanunsuz istifadə ilə bağlı 14 564 fakt aşkarlanıb və 4,147 milyon kubmetr sərfiyyat bərpa olunub. Ötən il sudan qanunsuz istifadə ilə bağlı 200 fakt araşdırılması üçün hüquq-mühafizə orqanlarına təqdim olunub.


Tovuzda içməli sudan qanunsuz istifadə halları aşkarlanıb

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Sabahdan Həcc ziyarətinə gedən şəxslər üçün sənəd qəbuluna başlanılır
    Ziyarət səfərinin iyunun 24-dən iyulun 20-nə qədər həyata keçirilməsi planlaşdırılır.
     24.05.2022
    Füzuli-Hadrut avtomobil yolunun tikintisi davam etdirilir
    Bu barədə Azərbaycan Avtomobil Yolları Dövlət Agentliyindən məlumat verilib.
     24.05.2022

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ