ABŞ-ın Mühacirət və İmmiqrasiya Xidmətinin rəhbəri vəzifəsini icra edən Ken Kuçinelli bildirib ki, yeni qaydalar ailə əsasında immiqrasiyaya təsir göstərməyəcək, belə ki, ailə üzvlərinin qrin kart almasını sponsorlaşdıran şəxslər artıq onlara maliyyə köməyi göstərəcəklərinə dair xüsusi sənəd imzalayıblar.

Onun sözlərinə görə, administrasiya statusunu dəyişən şəxslərin gələcəkdə sosial müavinətlərdən asılı olması kimi vəziyyətlərin qarşısını almaq istəyir.

Mühacirət fəalları artıq yeni qaydalara etirazlarını bildirir. 200-dən çox təşkilatı birləşdirən Nyu York Mühacirət Koalisiyası yeni qaydaları “ksenofobiya” mahiyyətli adlandıraraq, buna qarşı mübarizə aparacaqlarına söz verib.

 

Trump's public charge rule is a xenophobic and CLASSIST attack on immigrants. It won't go into effect until October 15, and we'll keep fighting it so ALL immigrants can lead healthy and safe lives.

Background on the DHS public charge rule here ⬇️https://t.co/aWlAiuiMku

— New York Immigration Coalition (@thenyic) 12 August 2019

Yeni qaydalar həmçinin administrasiyanın vergi ödəyənlər tərəfindən maliyyəşən müavinətlərə ehtiyacı olan yoxsul mühacirlərin sayının azaldılması, eyni zamanda yüksək ixtisaslı və zəngin mühacirlərin Birləşmiş Ştatlara immiqrasiyasına imkan vermək səylərinə uyğundur.

Mühacilərin hüquqlarını müdafiə edən fəallar və ekspertlərin həmçinin yeni qaydaların qanuni mühacirlərin hüquqları olduğu sosial müavinətləri almasına təsir göstərə biləcəyindən narahatlıqlarını ifadə edir. Onlar ABŞ vətəndaşları və ya qrin kard sahiblərinin ailə üzvlərinin immiqrasiya prosesinə təsir edə biləcəyindən qorxaraq, ehtiyac olduğu halda belə, müavinət üçün müraciət etməkdən çəkinə biləcəyindən ehtiyat edir. ə

Bu, həm də daimi yaşayış icazəsi olan və vətəndaşlığı qəbul etmiş şəxslərin onların Birləşmiş Ştatlarda qalmasına təsirindən ehtiyat edərək, sosial müavinətlər almaq üçün müraciət etməkdən çəkinə bilməsinə gətirib çıxara bilər.