İranın Cask bölgəsinin qərb hissəsində yerləşən Bunci dəniz suyunun şirinləşdirilməsi obyektinə hücum edilib
Az.shafaqna.com-un məlumatına görə, bu barədə Hörmüzqan Su Şirkəti rəsmi açıqlama yayıb.
Hadisə nəticəsində dənizdən suyun çəkilməsini təmin edən nasos kompleksi, həmçinin gündəlik 3150 kubmetr istehsal gücü olan qurğunun elektrik transformatoru tamamilə sıradan çıxarılıb.
Şirkətin hesabatında qeyd olunub ki, törədilən təxribat səbəbindən ərazidə yerləşən 20 yaşayış məntəqəsinin su təminatı tamamilə kəsilib. Nəticədə həmin kəndlərdə məskunlaşan təxminən 10 min nəfərə yaxın sakin kəskin içməli su qıtlığı ilə üz-üzə qalıb.
