ABŞ-ın keçmiş hərbi naziri Cim Mettis Hörmüz boğazının hərbi yolla açılmasının son dərəcə çətin olacağını və həll yolu kimi diplomatiyanı göstərdiyini bildirib.
İslamazeri.com xəbər verir ki, ABŞ-ın keçmiş hərbi naziri Cim Mattis Hörmüz boğazının hərbi yolla açılmasının çətin olacağını və böhranı həll etmək üçün diplomatiyanın lazım olduğunu bildirib.
"GreenWeek" enerji konfransında çıxış edən Mattis deyib: "Bunu güc yolu ilə tətbiq etmək çox çətin olacaq. Bunun üçün peyklər və dronlarla 24/7 hava müşahidəsi tələb olunacaq. Üstəlik, bu, Texas sahillərindən daha uzun bir sahil xətti boyunca aparılmalıdır".
Mattis prosesin müəyyən bir mərhələsində diplomatik kanalların cəlb edilməsinin vacibliyini qeyd edərək deyib: "Müəyyən bir mərhələdə diplomatları prosesə cəlb etməliyik. Buna nail olmağın bir yolu var, amma bu, üç fərqli yolla edilməlidir: müttəfiqlər, müttəfiqlər, müttəfiqlər".
Mattis həmçinin qeyd edib ki, regiondan çəkilmək İranı cəsarətləndirəcək. "Düşünmürəm ki, bu vəziyyətdən çıxıb qalib gəldik deyə bilərik. Çətin vəziyyətdəyik və bir çox variant görmürəm", - o deyib.
Bundan əlavə, Mattis bildirib ki, ABŞ administrasiyası Yaxın Şərqdəki müharibə səbəbindən noyabr ayında keçiriləcək aralıq konqres seçkilərində mənfi siyasi nəticələrlə üzləşə bilər. Mattis bildirib ki, bu təsir ABŞ vətəndaşlarının maliyyə vəziyyətinə təsirləri ilə bağlıdır.
Bu arada, İran Beynəlxalq Dəniz Təşkilatındakı daimi nümayəndəsi Əli Musəvi vasitəsilə Hörmüz boğazında naviqasiya ilə bağlı yeni qaydaları açıqlayıb.
Tehran administrasiyası strateji keçidin beynəlxalq gəmilər üçün açıq olduğunu, lakin "düşmən gəmiləri" üçün istisna ediləcəyini bildirib. İran gəmilərin və heyətlərin təhlükəsizliyini təmin etmək üçün naviqasiyadan əvvəl İran hakimiyyəti ilə birbaşa və əvvəlcədən əlaqələndirmənin zəruri olduğunu bildirib.
