BMT ekspertləri prokurorluq əməkdaşlarına təlim keçiblər

BMT ekspertləri prokurorluq əməkdaşlarına təlim keçiblər
Yayınlanma tarixi: 24.11.2022 16:20:31

Bu barədə Baş Prokurorluğun mətbuat xidmətindən bildirilib.

Ölkəmizdə korrupsiyaya qarşı mübarizə və aktivlərin bərpası istiqamətində görülən işlər çərçivəsində bu sahədə fəaliyyət göstərən prokurorluq əməkdaşlarının bilik və bacarıqlarının artırılması üçün ardıcıl tədbirlər görülməkdədir.

Bu barədə "İslamazeri.com"a Baş Prokurorluğun mətbuat xidmətindən bildirilib.

Məlumata görə, qeyd edilən sahədə beynəlxalq təcrübənin mühüm əhəmiyyəti nəzərə alınmaqla, cari ilin 22-23 noyabr tarixlərində Baş prokuror yanında Korrupsiyaya qarşı Mübarizə Baş İdarəsinin inzibati binasında Birləşmiş Millətlər Təşkilatının Narkotiklər və Cinayətkarlığa qarşı Mübarizə İdarəsinin (UNODC) məsul nümayəndəsi Vladimir Kozin və maliyyə cinayətlərinin araşdırılması üzrə ixtisaslaşmış xarici ekspert Conatan Bentman tərəfindən “Maliyyə cinayətlərinin araşdırması” mövzusunda praktiki təlim sessiyası keçirilib.
Azərbaycan Respublikası Prokurorluğunun struktur və tabe qurumlarının əməkdaşlarının dinləyici qismində iştirak etdiyi interaktiv tədris metodu üzərində qurulmuş təlimdə ekspertlər tərəfindən paralel maliyyə araşdırmaları, əmlakın bərpası sahəsində formal və qeyri-formal əməkdaşlıq mexanizmləri, ayrı-ayrı yurisdiksiyalara məxsus qurumlar tərəfindən istintaqın aparılması strategiyası, habelə koordinasiyası və qarşılıqlı izlənilməsi kimi mövzular üzrə əhatəli təqdimatlar həyata keçirilib. Bununla yanaşı, təlim mövzusunun mənimsənilməsi vəziyyətinin ölçülməsi məqsədi ilə iştirakçılara bir sıra praktiki tapşırıqlar verilməklə, təcrübədə qarşıya çıxan mürəkkəb xarakterli məsələlərə dair suallar cavablandırılıb.
Xarici nümayəndələrin ölkəmizə səfəri çərçivəsində həmçinin, onlarla Azərbaycan Prokurorluğunun bir sıra struktur qurumlarının rəhbər vəzifəli şəxsləri arasında ikitərəfli görüş keçirilmiş, qarşılıqlı fikir mübadiləsi formatında baş tutan görüşdə birgə əməkdaşlığa dair məsələlərin gələcək istiqamətləri müzakirə olunmaqla, aktivlərin bərpası sahəsində ölkəmizdə həyata keçirilən sistemli islahatlara UNODC-un dəstəyi ifadə olunub.

GÜNÜN MANŞETLERİ

Azərbaycanda daha 48 nəfər COVID-19-a yoluxub
ÖLKƏ / SƏHİYYƏ

Azərbaycanda daha 48 nəfər COVID-19-a yoluxub

1.12.2022 18:00:13
BMT Əfqanıstandakı humanitar vəziyyətlə bağlı bəyanat yayıb
DÜNYA / İSLAM DÜNYASI

BMT Əfqanıstandakı humanitar vəziyyətlə bağlı bəyanat yayıb

1.12.2022 14:04:59
Müqəddəs Ərdəbilinin yuxusu
DİN

Müqəddəs Ərdəbilinin yuxusu

1.12.2022 13:26:44
İŞİD terror təşkilatının lideri məhv edilib
DÜNYA / İSLAM DÜNYASI

İŞİD terror təşkilatının lideri məhv edilib

1.12.2022 12:56:02