Uçuş izləmə mənbələri bildirib ki, hava hücumundan müdafiə sistemləri işə salındıqdan sonra Dubay və Əbu-Dabiyə uçuşlar dayandırılıb.
İslamazeri.com xəbər verir ki, BƏƏ-də hava hücumundan müdafiə sistemlərinin işə salınmasından sonra Dubay və Əbu-Dabiyə uçuşlar müvəqqəti olaraq dayandırılıb.
Məlumatda bildirilirdi ki, uçuşlar son raket hücumundan sonra dayandırılıb.
Bir neçə saat əvvəl BƏƏ Müdafiə Nazirliyi ölkənin hava hücumundan müdafiə sistemlərinin raket təhdidinə cavab olaraq işə salındığını açıqlayıb.
Nazirlik həmçinin iddia edib ki, hava hücumundan müdafiə elementləri İrandan qaynaqlandığı iddia edilən raket və dron hücumlarına müdaxilə edib. Lakin bu iddia hələlik İranda heç bir rəsmi orqan və ya qurum tərəfindən təsdiqlənməyib.
Müdafiə Nazirliyinin açıqlamasında bildirilir ki, BƏƏ-nin müxtəlif bölgələrində eşidilən səslər ballistik raketlərə, kruiz raketlərinə və pilotsuz uçuş aparatlarına qarşı işləyən hava hücumundan müdafiə sistemlərindən qaynaqlanır.
