Foreign Policy: İranla müharibə "böyük strateji səhv" idi.
İslamazeri.com xəbər verir ki, "Foreign Policy" jurnalında dərc olunmuş təhlildə bildirilir ki, ABŞ və İran arasında mümkün razılaşmanın təfərrüatları hələ məlum olmasa da, İsrail və ABŞ-ın İrana qarşı başlatdığı müharibə "böyük strateji səhv" hesab olunur.
Təhlildə müharibənin bildirilən məqsədlərindən heç birinin əldə edilmədiyi iddia edilir və qeyd olunur ki, "İran rejimi çökməyib, nüvə ehtiyatlarını təslim etməyib və raket və pilotsuz təyyarə imkanları toxunulmaz qalıb".
Orada həmçinin bildirilir ki, İran "lazım gələrsə, Hörmüz boğazını bağlamaqla region ölkələrinə ciddi zərər verə biləcəyini nümayiş etdirib".
Məqalədə son aylarda ABŞ prezidenti Donald Tramp və müdafiə naziri Pit Heqsetin açıqlamalarından sonra yaranan vəziyyətin Vaşinqton üçün gözlənilən nəticələri vermədiyi qənaətinə gəlinir.
