Gürcüstanın Xüsusi Penitensiar Xidməti sabiq prezident Mixeil Saakaşvilinin video kadrlarını yayıb.
İslamazeri.com xəbər verir ki, son zamanlar Saakaşvilinin həbsdəki bəzi fotolarını yayaraq ölkəiçi narazıçılıq yaratmaq istəyənlərin planlarına cavab olaraq Gürcüstanın Xüsusi Penitensiar Xidməti sabiq prezident Mixeil Saakaşvilinin video kadrlarını yayıb.
“Yüksək ictimai maraqdan irəli gələrək Xüsusi Penitensiar Xidmət məhbus Mixeil Saakaşvilinin müxtəlif dövrlərdə vəziyyətini əks etdirən video kadrları dərc edir.
Qeyd olunan videomaterialda məqsədi ədalət mühakiməsinin həyata keçirilməsinə mane olmaq, cəmiyyəti və beynəlxalq tərəfdaşları çaşdırmaq olan Mixeil Saakaşvilinin imitasiya xarakterli hərəkətləri açıq-aydın görünür.
Video kadrlar dövlətin Mixeil Saakaşviliyə münasibətini, eləcə də Mixeil Saakaşvilinin tibb işçilərinə münasibətini, belə ki onun tərəfindən təhqir və aqressiv davranış faktlarını əks etdirir” – Xüsusi Penitensiar Xidmətin açıqlamasında deyilir.
