Tbilisidə Hacı Şahinin anım mərasimi keçirilib.
Gürcüstan paytaxtında Hacı Şahin Həsənli anıldı.
İslamazeri.com xəbər verir ki, bu gün Tbilisi Poniçala (Soğanlıq) Əhli-beyt(ə) məscidində Cümə namazında mərhum Hacı Şahin Həsənli yad olunub.
Namaz öncəsi Quran qarisi Vidadi Qurbanov ayələr tilavət edərək, mərhum Şahin Həsənlinin ruhuna hədiyyə edib. Axund Rahid Kərimov Şəbaniyyə munacatından danışaraq, duanın bəzi hissələrini şərh edib. Söhbətin davamında Hacı Şahin Həsənlinin qəfil ölümü bizlər üçün böyük ibrət olduğunu qeyd edib. Hacının cəmiyyət üçün necə önəmli şəxsiyyət olduğunu deyib. Allahdan ailəsinə və yaxınlarına səbr diləyib. Məclisin davamında Gürcüstan müsəlmanlar idarəsinin şeyxi Ramin İgidov Şahin Həsənlinin şəxsiyyətindən, onun imanından, və gözəl natiqliyindən söhbət açıb. O mərhum Şahin Həsənlinin Azərbaycan cəmiyyəti üçün böyük sərmayə olduğunu vurğulayıb. Namaz sonrası mərhumun adına ehsan süfrəsi verilib.
