Hindistan ABŞ-a etiraz notası verib.
İslamazeri.com xəbər verir ki, Hindistan, 10 iyunda Oman sahillərində ABŞ hərbçiləri tərəfindən vurulan Palau bayrağı altında üzən "MT Settebello" tankerində üç hind dənizçisinin ölümündən sonra ABŞ-ın müvəqqəti işlər vəkili Ceyson Miki Xarici İşlər Nazirliyinə etiraz notası təqdim etmək üçün çağırıb.
Anadolu Agentliyinin (AA) müxbirinə danışan rəsmi mənbələr bildiriblər ki, bu, Hindistan Xarici İşlər Nazirliyinin bu həftə ABŞ-ın müvəqqəti işlər vəkilini Oman sahillərində gəmilərə edilən hücumlarla bağlı etiraz notası təqdim etmək üçün çağırdığı ikinci haldır.
Bu həftə ilk etiraz notası ABŞ-ın Oman sularında ticarət gəmisinə hücumundan sonra verilib.
Xatırladaq ki, Hindistanın Limanlar, Dənizçilik və Su Yolları naziri Sarbananda Sonowal əvvəllər Oman sahillərində ABŞ hərbçiləri tərəfindən vurulan 24 nəfərlik heyət üzvü olan Palau bayrağı altında üzən "MT Settebello" tankerində üç dənizçinin öldüyünü bildirmişdi.
“The Times of India” qəzeti xəbər verir ki, Oman Hərbi Dəniz Qüvvələri, Maskatdakı Hindistan səfirliyi ilə koordinasiyalı şəkildə tankerdə qalan 21 nəfərlik heyət üzvünü xilas edib.
