Hizbullah nümayəndəsi: Livanda atəşkəs İranın səylərinin nəticəsidir
İslamazeri.com xəbər verir ki, Livan Parlamentindəki Hizbullaha yaxın olan "Müqavimətə Sədaqət" blokunun üzvü Həsən Fədlallah Livanda atəşkəsin İranın diplomatik səylərinin nəticəsi olduğunu açıqladı.
Fədlallah bildirib ki, İranın Beyrutdakı səfiri onlara atəşkəsin bu gecə (cümə axşamı gecəsi) başlayacağını bildirib.
O, əlavə edib ki, atəşkəs İranın diplomatik təşəbbüslərinin nəticəsidir və İran rəsmiləri ABŞ tərəfinin öhdəliklərinə nə dərəcədə əməl etdiyini yaxından izləyəcəklər.
Livanlı millət vəkili həmçinin vurğulayıb ki, İranla ABŞ arasında danışıqların bərpası Vaşinqtonun bu öhdəlikləri yerinə yetirməsindən asılıdır.
Bundan əlavə, Fədlallah bildirib ki, Hizbullahın atəşkəsə sadiqliyi bütün hərbi fəaliyyətlərin tamamilə dayandırılması şərtilədir.
