İran ABŞ-a məxsus MQ-9 pilotsuz təyyarəsini vurub.
İslamazeri.com xəbər verir ki, İran İnqilab Keşikçiləri Korpusu, ABŞ-a məxsus MQ-9 pilotsuz uçuş aparatının (PUA) Əsəluyə bölgəsi üzərində aşkar edildiyini və Hərbi Dəniz Qüvvələrinə məxsus inkişaf etmiş hava hücumundan müdafiə sistemi tərəfindən vurulduğunu açıqlayıb.
İran İnqilab Keşikçiləri Korpusunun İctimaiyyətlə Əlaqələr Bölməsi mətbuat açıqlamasında ABŞ-a məxsus MQ-9 PUA-nın Əsəluyə bölgəsi üzərində izlənildiyini və məhv edildiyini bildirib.
Bəyanatda deyilir: "Hücum edən PUA, ölkənin inteqrasiya olunmuş hava hücumundan müdafiə şəbəkəsinin nəzarəti və koordinasiyası altında fəaliyyət göstərən İnqilab Keşikçiləri Korpusunun Hərbi Dəniz Qüvvələrinin yeni nəsil inkişaf etmiş hava hücumundan müdafiə sistemi tərəfindən İran hava məkanında aşkar edilib və Əsəluyə üzərində səmada vurulub."
Bəyanatda həmçinin iddia edilir ki, bu əməliyyat bir daha İranın hava hücumundan müdafiə sistemlərinin hava məkanını istənilən pozuntu və hücumlardan qorumaq qabiliyyətini nümayiş etdirib.
