İslam İnqilabı Keşikçiləri Korpusu işğal olunmuş Fələstin ərazilərindəki sionist hərbi hədəflərinə və ABŞ hərbi bazalarına ağır döyüş başlıqları daşıyan raketlərlə hücumlar həyata keçirdiyini açıqladı.
İslamazeri.com xəbər verir ki, İran İslam İnqilabı Keşikçiləri Korpusu (İİKK) işğal olunmuş Fələstin ərazilərindəki İsrail hərbi hədəflərinə və ABŞ hərbi bazalarına ağır döyüş başlığı raketləri ilə hücumlar təşkil etdiyini açıqladı.
İİKK bildirib ki, İsrail və ABŞ hədəflərinə qarşı yeni hücumlar "Əsl Vəd 4" əməliyyatının 41-ci dalğasının bir hissəsi olaraq həyata keçirilib.
"Qüdsə doğru" kod adı verilən cavab əməliyyatı Təl-Əviv və Qüds ətrafındakı hərbi nöqtələri, eləcə də bölgədəki ABŞ hərbi bazalarını hədəf alıb.
Bəyanatda hücumların çoxbaşlıqlı Xürrəmşəhr raketləri, eləcə də bir tonluq döyüş başlığı daşıyan Xeybər Şikan və hipersəs Fəttah və Qədir raketləri ilə həyata keçirildiyi və kamikaze dronlarının atəşi ilə başladığı bildirilib.
Əməliyyatda 10 raketin atıldığı bildirilib.
