İran Trampın Pikaks dağı ilə bağlı təhdidinə cavab verib.
İslamazeri.com xəbər verir ki, İran Xarici İşlər Nazirliyinin sözçüsü İsmayıl Bəqayi ABŞ prezidenti Donald Trampın Pikakse dağı ilə bağlı təhdidlərinə cavab verib.
Bəqayi bildirib ki, ABŞ nüvə obyektlərini hədəf almaqla Birləşmiş Millətlər Təşkilatının Nizamnaməsini, beynəlxalq hüququ, BMT Təhlükəsizlik Şurasının və Beynəlxalq Atom Enerjisi Agentliyinin (BAEA) qətnamələrini açıq şəkildə pozur.
Bəqayi deyib: "ABŞ-ın təkrarlanan təhdidləri təkcə beynəlxalq normalara zidd deyil, həm də İranın elmi inkişafına və tərəqqisinə qarşı dərin düşmənçiliyini nümayiş etdirir".
Sözçü İranın nüvə fəaliyyətlərinin BAEA-ya şəffaflıq və yoxlama müqavilələri çərçivəsində bildirildiyini vurğulayıb və ABŞ-ın heç bir nüvə fəaliyyətinin aparılmadığı Pikakse dağına olan vəsvəsəsini "məhv üçün bəhanə" kimi xarakterizə edib.
O, həmçinin BAEA-nın baş direktoru Qrossinin susqunluğunu tənqid edərək ondan "BAEA-nın baş direktoru və BMT-nin baş katibinin namizədi haradadır?" deyə soruşub.
Bəqayi bildirib ki, İran xalqı milli suverenliyinə edilən hər hansı bir hücuma qarşı qətiyyətlə dayanacaq.
