Rizai: Biz üçüncü tərəflərin Hörmüz boğazının idarə olunmasına müdaxilə etməsinə icazə verməyəcəyik.
İslamazeri.com xəbər verir ki, İranın Ali Rəhbərinin Hərbi Müşaviri Hörmüz Boğazının yalnız İran və Omanın məsuliyyətində olduğunu və ABŞ və ya Avropa ölkələrinin bu strateji su yolunun idarə olunmasında söz sahibi olmasına icazə verməyəcəklərini bildirib.
Sputnik-ə verdiyi müsahibədə Ayətullah Xameneinin Hərbi Müşaviri Möhsün Rzayi Hörmüz Boğazındakı vəziyyətlə bağlı açıqlamalar verib.
Rzayi Hörmüz Boğazının yalnız İran və Omana aid bir məsələ olduğunu və heç bir üçüncü tərəfin bu strateji keçidin idarə olunmasına müdaxilə etmək hüququna malik olmadığını bildirib.
ABŞ və Avropa ölkələrinin boğazın idarə olunmasında rol almasına qarşı olduqlarını vurğulayan Rzayi dedi: "Hörmüz Boğazı yalnız İran və Omana aiddir. Biz ABŞ və ya Avropa ölkələrinin bu strateji marşrutu nəzarətə götürməsinə icazə verməyəcəyik".
Boğazdakı dəniz nəqliyyatına toxunan Rzayi, hər gün Hörmüz boğazından təxminən 30 gəminin keçdiyini və İranın daha çox dəniz nəqliyyatını idarə etmək qabiliyyətinə malik olduğunu bildirib.
Rizai həmçinin qeyd edib ki, bəzi gəmilərin əvvəlcədən planlaşdırılmış dəniz marşrutları üzrə hərəkəti ABŞ tərəfindən bloklanıb.
