İran Ali Liderin dəfn mərasimindən əvvəl ABŞ və İsrailə xəbərdarlıq edib.
İslamazeri.com xəbər verir ki, İran hökuməti şəhid Ali Rəhbər Ayətullah Seyid Əli Xameneinin dəfn mərasimindən əvvəl ABŞ və İsrailə ciddi hərbi xəbərdarlıq edib.
Tehran matəm dövründə hər hansı bir hərbi hücum və ya təxribata "sərt və dərhal" hərbi cavab veriləcəyini bəyan edib.
Xatəm əl-Ənbiya Qərargahının komandanı Əli Abdullahi dövlət mediası tərəfindən dərc edilən açıqlamada düşmən ünsürlərə açıq bir mesaj çatdırıb.
Abdullahi "İranın düşmənlərini, xüsusən də ABŞ və sionist qurumunu hər hansı bir səhv hesablamadan xəbərdar edirik" deyə bildirib və İran silahlı qüvvələrinin ölkə ərazisinə qarşı hər hansı bir təhdidə sərt cavab verməyə hazır olduğunu vurğulayıb.
Şəhid Ali Rəhbərin dəfn mərasimlərinin 4 iyulda Tehranda başlaması və 9 iyulda Məşhəddə dəfn edilməsi ilə başa çatması planlaşdırılır.
Xatirə tədbirləri həmçinin Qumda və İraqda da keçiriləcək.
Yas mərasimi zamanı təhlükəsizlik tədbirlərini ən yüksək səviyyəyə qaldıran İran Mülki Aviasiya Təşkilatı, mərasimlərin keçiriləcəyi şəhərlər, əsasən Tehran və Məşhəd üzərində hava məkanını müvəqqəti olaraq məhdudlaşdırdığını açıqlayıb.
Bu xəbərdarlıq, İranın xarici işlər naziri Abbas Əraqçinin İsrail müharibə naziri İsrael Katzın Ali Rəhbər Ayətullah Seyid Müctəba Xameneini hədəf alan "sui-qəsd təhdidləri" ehtiva edən açıqlamalarına cavab verməsindən dərhal sonra gəlib.
Əraqçi, İran xalqını və ya rəhbərliyini hədəf alan hər hansı bir hücumun "dərhal və güclü" cavabla qarşılanacağını vurğulayıb.
