İraq Əhli-Haqq Hərəkatının baş katibi Qeys əl-Xəzali İranın Bağdaddakı səfiri Məhəmməd Kazım əs-Sadiq ilə görüşündə İraqın təhdidlər qarşısında İrana dəstəyini vurğulayıb.
İslamazeri.com xəbər verir ki, İranın İraqdakı səfiri Məhəmməd Kazım əs-Sadiq bazar ertəsi günü İraq Əhli-Haqq Hərəkatının baş katibi Qeys əl-Xəzali ilə görüşdü.
Görüş zamanı əs-Sadiq və əl-Xəzali ikitərəfli İran-İraq münasibətlərini, regional və beynəlxalq hadisələri müzakirə etdilər.
Əsaib Əhli-Haqq Hərəkatının baş katibi İraqın təhdidlər qarşısında İrana dəstəyini vurğuladı.
Əl-Xəzali həmçinin ölkələrin suverenliyinə hörmət etməyə çağırdı və digər ölkələrin təhlükəsizliyinə və sabitliyinə təhdid yaradan hər hansı bir təcavüzə qarşı çıxdığını bildirdi.
Görüşdə həmçinin hər iki ölkə xalqının maraqlarına uyğun olaraq ikitərəfli İran-İraq münasibətlərinin inkişaf etdirilməsi və gücləndirilməsi yolları müzakirə edildi.
