İŞİD-in "Əbu Mustafa" ləqəbli komandirlərindən biri məhv edilib - İraq Kəşfiyyatı
İslamazeri.com xəbər verir ki, İraq hökumətinin Təhlükəsizlik Media Şəbəkəsindən verilən yazılı açıqlamaya görə, İraq hava qüvvələrinin dəstəyi ilə təhlükəsizlik qüvvələri Kərkükün cənubundakı Vadi Zegetun bölgəsində İŞİD-ə qarşı əməliyyat keçirib.
Açıqlamada İŞİD-in Kərkük hərbi komandiri "Əbu Mustafa" ləqəbli Məhəmməd Mudrinin və iki terrorçunun bunkerə endirilən hava hücumunda öldürüldüyü qeyd edilib.
Açıqlamada həmçinin bildirilib ki, terrorçular təxminən 10 gündür İraq kəşfiyyatı tərəfindən izlənirmiş.
Məlumatda İŞİD-in şəhərin cənubundakı son hücumlarının məhz bu qrup tərəfindən idarə olunduğu və dəstəkləndiyi bildirilib.
