İranlı Ərbəin ziyarətçilərini daşıyan mikroavtobus İraqın cənubundakı Bəsrə vilayətində aşıb.
İslamazeri.com xəbər verir ki, İraqın Bəsrə vilayətinin Remile bölgəsində iranlı Erbain ziyarətçilərini daşıyan mikroavtobusun aşması nəticəsində 7 nəfər yaralanıb.
Hadisə ilə bağlı açıqlama verən Abadan Tədris və Araşdırma Xəstəxanasından verilən açıqlamada yaralıların İranın Xürrəmşəhr şəhərindəki Vəliəsr xəstəxanasına gətirildiyi açıqlanıb.
Qeyd edək ki, hər il səfər ayının 20-də milyonlarla yerli və xarici ziyarətçinin müşayiəti ilə Kərbəlada İmam Hüseyn (ə) və onun sadiq davamçılarının 40-cı ildönümü münasibətilə mərasim keçirilir.
Hər il ərbəin ərəfəsində İraq sərhədləri dünyanın müxtəlif ölkələrindən Kərbəlaya gələn zəvvarlarla dolur. İraqlı ziyarətçilər də ölkənin müxtəlif nöqtələrindən İmam Hüseynin (ə) hərəminə piyada gedirlər.
