Hadisələr zamanı İsrail əsgərlərinin atəş açması nəticəsində iki fələstinli gənc yaralanıb.
Fələstinin səsi radiosunun xəbərinə görə, Tubasın şimalındakı Akkabe qəsəbəsinə basqın edən İsrail qüvvələri ilə fələstinlilər arasında qarşıdurma baş verib.
İslamazeri.com xəbər verir ki, hadisələr zamanı İsrail əsgərlərinin atəş açması nəticəsində iki fələstinli gənc yaralanıb.
Sinəsindən yaralanan gənclərdən biri müalicə olunmaq üzrə Cenindəki İbn-i Sina xəstəxanasına cəlb olunub. Digər yaralı isə əvvəlcə İsrail əsgərləri tərəfindən saxlanılıb, daha sonra Cenin hərbi keçid məntəqəsində Fələstin Qızıl Aypara Cəmiyyətinə təhvil verilib.
Fələstinin rəsmi xəbər agentliyi VAFA-nın xəbərinə görə İsrail əsgərləri İordan çayının qərb sahilinin müxtəlif ərazilərində 10 fələstinlini nəzarətə götürüb.
