Sionist İsrail əsgərlərinin işğal altındakı İordan çayının qərb sahilində fələstinlilərin avtomobilini atəşə tutması nəticəsində 2 fələstinli həyatını itirib, 2 nəfər isə yaralanıb.
İslamazeri.com xəbər verir ki, Fələstin televiziyasının məlumatına görə, işğalçı sionist İsrail qüvvələri Nablus şəhərinin cənubundakı Havara hərbi nəzarət məntəqəsində fələstinlilərin avtomobilini atəşə tutub.
Hadisə nəticəsində Remzi Zebare və İmad Əbu Rəşid adlı iki fələstinlinin həyatını itirdiyi, 2 nəfərin isə yaralandığı bildirilib.
İşğalçı sionist İsrail ordusundan verilən yazılı açıqlamada əsgərlərin Nablusda 2 şübhəli maşını görüb atəş açaraq, maşındakıları yaraladıqları bildirilib.
Açıqlamada İsrail əsgərlərindən ölən və ya yaralanan olmadığı bildirilib.
