"Ölkənin parçalanmasına gətirib çıxaracaq münaqişələr ilə üz-üzəyik"
İsrail prezidenti İsaak Hersoq “Twitter” hesabında paylaşdığı ictimaiyyətə müraciət videosunda ölkəsində cərəyan edən proseslərə toxunub.
İslamazeri.com Türkiyə mediasına istinadən xəbər verir ki, hökumətin məhkəmə sisteminin bəzi səlahiyyətlərinin Parlamentə ötürülməsi istiqamətində atdığı addımlara qarşı konkret mövqe tutmadığına dair tənqidlərə cavab verməyə çalışan Hersoq bildirib: “Ölkənin parçalanmasına gətirib çıxaracaq münaqişələr ilə üz-üzəyik. Ölkə daxilində və xaricdəki xalqımızın əksəriyyəti bu vəziyyətdən narahatdır. Mənə ünvanlanan tənqidlərə hörmətlə yanaşıram, lakin hazırda diqqətimi iki kritik məqama yönəldirəm. Konstitusiya böhranı və cəmiyyətin daha da parçalanmasının qarşısını almağa çalışıram”.
Qeyd edək ki, Benyamin Netanyahunun başçılıq etdiyi koalisiya hökumətinin ədliyyə orqanlarının bəzi səlahiyyətlərinin Parlamentə ötürülməsi istiqamətində atdığı addımlar, hökumətlə məhkəmə sistemi, xüsusilə də Ali Məhkəmə arasında gərginliyə səbəb olub.
