Məşhur casus dramı Tehran-ın prodüseri və yaradıcılarından Dana Eden, 52 yaşında Yunanıstanın Afina şəhərində hotel otağında ölü tapılıb
İslamazeri.com xəbər verir ki, hadisə 15 fevral 2026-cı il tarixində baş verib və Eden serialın dördüncü mövsümünün çəkilişləri üçün Afina şəhərində idi. Bu sezonda Mossad agentinin İranın nüvə obyektlərinə sızması haqqında olacaqdı...
Yunan polisi ilkin mərhələdə ölüm hadisəsini özünü öldürmə kimi qiymətləndirir, səhnədə tabletlər tapılıb və toxunulmuş boyun izləri qeydə alınıb. Araşdırma hələ də davam edir və autopsiya aparılır. Rəsmi mənbələr zorakılıq və ya cinayət motivinin indi üçün aşkarlanmadığını bildirirlər.
Edenin prodüser şirkəti Donna and Shula Productions yayımladığı açıqlamada, ölümün siyasi və ya cinayət motivli olduğu barədə yayılan iddiaların əsassız və təsdiq olunmamış olduğunu vurğulayıb və mediadan və ictimaiyyətdən şayiələrdən çəkinməyi xahiş edib.
Serialın aqibəti isə naməlumdur...
Serial haqqında
Tehran 2020-ci ildə Apple TV+ platformasında yayımlanan İsrail istehsalı casus trilleridir və 2021-ci ildə “Ən Yaxşı Dram Seriyası” nominasiyasında International Emmy Award mükafatını qazanıb.
Serial, İsrailin kəşfiyyat idarəsi olan Mossad-ın gənc agenti Tamar Rabinayanın İranın hava hücumundan müdafiə sistemini sıradan çıxarmaq üçün Tehrana gizli ezam olunmasından bəhs edir. Ən güclü tərəfi odur ki, hadisələr sadəcə "yaxşılar və pislər" davası deyil, hər iki tərəfin daxili gərginliyi, ailə bağları və siyasi intriqaları üzərində qurulub.
Serialda ivrit, fars və ingilis dillərinin qarışıq istifadə olunması reallıq hissini gücləndirir.
"Tehran" serialı İranı sadəcə "qapalı bir rejim" kimi deyil, həm də canlı küçələri, müasir gəncliyi və yeraltı həyatı olan bir cəmiyyət kimi göstərməyə çalışır. Maraqlıdır ki, serialın çəkilişləri Tehranda deyil, ona memarlıq baxımından çox bənzəyən Afinada (Yunanıstan) aparılıb. Serialın komandasında keçmiş Mossad əməkdaşları məsləhətçi kimi fəaliyyət göstəriblər. İsraildə hərbi xidmət icbari olduğu üçün yaradıcı heyətin bir çox üzvü vaxtilə kəşfiyyat və ya texnologiya bölmələrində (məsələn, məşhur 8200-cü bölmə) xidmət ediblər.
