Hadisə cümə günü gecə Suriyada ABŞ-ın pilotsuz təyyarəsinin endirdiyi zərbə nəticəsində baş verib.
ABŞ Mərkəzi Komandanlığından verilən məlumata görə, Suriyada "Əl-Qaidə"nin yüksək vəzifəli bir üzvü pilotsuz təyyarənin vurması nəticəsində öldürülüb. ABŞ-ın rəhbərlik etdiyi "Centcom"un komandanlığının sözçüsü Con Riqqsbi deyib ki, cümə günü gecə Suriyada ABŞ-ın pilotsuz təyyarəsinin endirdiyi zərbə nəticəsində "Əl-Qaidə"nin yüksək rütbəli lideri Əbdül Həmid Muttar öldürülüb. Con Riqqsbi qeyd edib ki, "Əl-Qaidə"nin yüksək rütbəli liderinin öldürülməsi terror təşkilatının Amerika vətəndaşlarını, müttəfiqlərimizi və günahsız mülki insanları təhdid edən qlobal hücumlar həyata keçirmə qabiliyyətini pozacaq.
