Livanda yeni qətliam: İsrail kəndləri bombalayıb.
İslamazeri.com xəbər verir ki, İsrail Livanın cənubundakı Nabatiye rayonunun kəndlərində dinc əhaliyə qarşı qırğınlar həyata keçirib.
Son hava hücumlarında yaşayış məntəqələrinin hədəfə alınması nəticəsində çoxlu sayda insan həyatını itirib və yaralanıb.
Hücumların ilk sayına görə Haruf, Kefer Sir və Şarkiye qəsəbələrində insanların həyatını itirdiyi bildirilir.
Bundan əlavə, İsrailin Əl-Qətrani şəhərinə hücumu nəticəsində 2 mülki vətəndaş həyatını itirib, 2 nəfər isə yaralanıb.
Bu hücumlar Vaşinqton və Tehran arasında Livan da daxil olmaqla, bütün cəbhələrdə hərbi əməliyyatların dayandırılmasını, Livanın ərazi bütövlüyü və suverenliyinin təminatını nəzərdə tutan memoranduma rəğmən həyata keçirilir.
