Mərifət duası...
İslamazeri.com: İmam Zamanın (əf) qeybdə olduğu vaxt oxunulması əmr olunan dualardan biri də Mərifət duasıdır.
Zürarə İmam Sadiqdən (ə) nəql edir ki, buyurur: "... Allah şiələrin qəlbini (qeyb dövrü ilə ) imtahan etmək istəyibdir. Bu zaman batil yolda olanlar şəkk-şübhəyə düşəcəklər " - Zürarə deyir : "Sənə qurban olum! Əgər o zamanda yaşasam hansı işi görüm?" İmam (ə) buyurdu : "Ey Zürarə! Əgər o zamanı dərk etsən bu duanı oxu..."
"Üsuli-Kafi", Şeyx Kuleyni, cild 1, səh. 337
Seyyid ibni Tavus: "Əgər cümə günü işlərin və hər hansı müşküllə bağlı heç bir əməli yerinə yetirə bilməsən belə, bu duanı oxumaqda süstlük göstərməkdən çəkin! Çünki biz bu duanı Allahın məxsusən bizə aid etdiyi fəzilətindən hesab edirik. Buna görə də ona etimad göstər!"
"Cəmalul-Usbu", Seyyid ibni Tavus, səh. 315
Ərəbcə:
اَللّهُمَّ عَرِّفنی نَفسَکَ فَاِنّکَ اِن لَم تُعَرِّفنی نَفسَکَ لَم اَعرِف نَبِیَّکَ، اَللّهُمَّ عَرِّفنی نَبِیَّکَ فَاِنَّکَ اِن لَم تُعَرِّفنی نَبِیَّکَ لَم اَعرِف حُجَّتَکَ
اَللّهُمَّ عَرِّفنی حُجَّتَکَ فَاِنَّکَ اِن لَم تُعَرِّفنی حُجَّتَکَ ضَلَلتُ عَن دینی
Duanın oxunuşu:
Allahummə ərrifni nəfsəkə , fə innəkə in ləm tuərrifni nəfsəkə , ləm ərif nəbiyyəkə, Allahummə ərrifni nəbiyyəkə , fə innəkə in ləm tuərrifni nəbiyyəkə, ləm ərif huccətəkə , Allahummə ərrifni huccətəkə , fə innəkə in ləm tuərrifni huccətəkə , zaləltu ən dini
Tərcüməsi:
Ey Allah, Özünü mənə tanıtdır, əgər Özünü mənə tanıtdırmasan, Peyğəmbərini tanıya bilmərəm. Ey Allah, Peyğəmbərini mənə tanıtdır, əgər Peyğəmbərini mənə tanıtdırmasan, Höccətini tanıya bilmərəm. Ey Allah, Höccətini mənə tanıtdır, əgər Höccətini tanıya bilməsəm, dinimdə azaram!
