"İranla əlaqələrdə problemli istiqamətlər mövcuddur, amma son dövrlərdə müsbət nəticələr də var" - Ceyhun Bayramov
İslamazeri.com xəbər verir ki, xarici işlər naziri Ceyhun Bayramov ilin yekunlarına dair keçirdiyi mətbuat konfransında Azərbaycan İran əlaqələrindən danışıb.
O bildirib ki, son dövrlər Azərbaycan-İran münasibətlərində bəlli bir gərginlik var: “Burada problemli istiqamətlər mövcuddur, amma son dövrlərdə müsbət nəticələr də var. İqtisadi sahədə əldə olunmuş razılaşmalar icra edilir. Azərbaycan-İran münasibətləri mövcud durumda daha yaxşı ola bilərdimi sualı verilərsə, cavab, əlbəttə ola bilərdi”.
Nazir həmçinin deyib ki, Azərbaycanın xarici siyasətinin əsas prioriteti qonşu ölkələrlə dost, qarşılıqlı faydalı əməkdaşlığın inkişaf etdirilməsidir. Azərbaycan heç bir halda bu münasibətlərin gərginləşməsinin tərəfdarı olmayıb.
