Pakistanın paytaxtı İslamabadda terror hücumunda 1 polis ölüb, 5 polis yaralanıb.
İslamazeri.com xəbər verir ki, “Əl-Cəzirə”nin məlumatına görə, paytaxtın İ-10 sektorunda patrul edən polis qrupu şübhəli avtomobili saxlamaq istəyib.
Polisin “saxla” xəbərdarlığına tabe olmayan şübhəli şəxs avtomobildəki bombanı işə salıb.
Hücumda 1 polisin həyatını itirdiyi, 5 polisin yaralandığı açıqlanıb.
Hadisə ilə bağlı əlavə məlumat hələlik açıqlanmayıb.
