Qalibaf: İran xalqı təslim olmayacaq.
İslamazeri.com xəbər verir ki, İran Parlamentinin sədri Məhəmməd Baqir Qalibaf İran xalqının ABŞ-ın iqtisadi təzyiqinə boyun əyməyəcəyini bildirib.
Qalibaf bu sözləri sosial media hesabında cari hadisələri şərh edərkən bildirib.
ABŞ-ın dəniz blokadasına toxunan Qalibaf deyib: “Düşmən bizi iqtisadi təzyiq və media müharibəsi vasitəsilə təslim olmağa məcbur etməyə çalışır. İran xalqı canlarını fəda edəcək, amma təslim olmayacaq; düşmənin hələ bunu anlamamasına təəccüblənirəm”.
Düşmənin məkrli planlarına diqqət çəkən Qalibaf bildirib: “Biz hərbi hücumların, xüsusən də terror hücumlarının mümkünlüyünü istisna etmirik”.
Qalibaf İranın müharibədəki “qətiyyətli qələbəsinin” ölkəni beynəlxalq səhnədə nüfuzlu bir oyunçuya çevirəcəyinə inandığını bildirib.
Prosesi yeni bir mərhələ kimi xarakterizə edən Qalibaf həm liderlər, həm də ictimaiyyət arasında birliyə və ehtiyatlılığa çağırıb.
İran Parlamentinin sədri həm İran daxilində, həm də xaricində olanlar arasında birliyə və əməkdaşlığa ehtiyac olduğunu vurğulayıb.
