İsrailin İşğalı altında olan Şərqi Qüdsdə bir qrup yəhudi köçkün xristian əhaliyə məxsus qəbiristanlığına hücum edərək məzarlara ziyan vurub.
İslamazeri.com Türkiyə mediasına istinadla xəbər verir ki, bir yanvarda yəhudi köçkünlər Şərqi Qüdsdə Sion dağındakı protestant qəbiristanlığına gedərək otuzdan çox qəbiri dağıdıblar. Abidə məzarlardakı mərmər xaç simvollarını sındırıb, ikonaları zədələyiblər.
Qüdsün Anqlikan arxiyepiskopu Husam Naum qəbiristanlıqda jurnalistlərə verdiyi açıqlamada, belə hücumlara daha əvvəl də şahid olduqlarını, lakin bu cür vandalizm hadisələrin qarşısını almaq üçün lazımi addımları atacaqlarını vurğulayıb.
İsrail polisindən verilən açıqlamada isə hadisə ilə bağlı istintaq başladıldığı bildirilib.
Qeyd edək ki, Sion təpəsindəki qəbiristanlıq 1848-ci ildə Osmanlı dövründə protestant xristianlara həsr edilib.
