İranın xarici işlər naziri Seyid Abbas Əraqçi və Fransanın xarici işlər naziri Jan-Noel Barrot telefonla danışıblar. İki ölkə ikitərəfli, regional və beynəlxalq hadisələri müzakirə ediblər.
İslamazeri.com xəbər verir ki, İranın xarici işlər naziri Abbas Əraqçi, fransız həmkarı Jan-Noel Barrot ilə telefon danışığında Tehranda iki fransız diplomatın "qeyri-adi və qeyri-peşəkar" davranışını qətiyyətlə pisləyib.
Zəng zamanı Əraqçi iki fransız diplomatın Tehranda davranışının diplomatik normaları pozduğunu vurğulayıb. O, diplomatik nümayəndəliklərin davamlı fəaliyyəti üçün ev sahibi ölkənin qanun və qaydalarına hörmətin və beynəlxalq diplomatik normalara riayət etməyin vacib olduğunu bildirib və Fransa hökumətini bu cür hadisələrin təkrarlanmasının qarşısını almaq üçün lazımi tədbirləri görməyə çağırıb.
Hörmüz boğazındakı vəziyyətlə bağlı Əraqçi bildirib ki, Hörmüz boğazındakı gərginlik ABŞ-ın İslamabadda imzalanmış anlaşma memorandumuna əsasən öhdəliklərini pozmasının və təxribatçı hərəkətlərinin birbaşa nəticəsidir. Əraqçi bildirib ki, "Regional sabitliyi və diplomatik prosesləri təhlükə altına alan, birtərəfli siyasət yürüdən və razılaşmalardan yayınan tərəf nəticələrə görə məsuliyyət daşımalıdır".
