İran prezidenti İbrahim Rəisi Azərbaycanın Tehrandakı səfirliyinə silahlı hücumu pisləyib
İslamazeri.com İRNA-ya istinadən xəbər verir ki, İran prezidenti İbrahim Rəisi Azərbaycanın Tehrandakı səfirliyinə silahlı hücumu pisləyib, məhkəmə və polis orqanlarına məsələnin hərtərəfli araşdırılmasını tapşırıb.
“Qardaş və qonşu ölkənin Azərbaycan səfirliyinə hücumla bağlı faciəvi hadisəni pisləmək istərdim”, - deyə vitse-prezident Məhəmməd Cəmşidi “Twitter” səhifəsində yazıb.
“Bu kədərli xəbəri alandan dərhal sonra Ayətullah Rəisi hərtərəfli araşdırma aparılmasına göstəriş verib və (Azərbaycan) hökumət(in)ə, Azərbaycan xalqına və mərhum diplomatın ailəsinə başsağlığı verib və yaralıların tezliklə sağalmasını arzulayıb”, - Cəmşidi əlavə edib.
