Rəsmi Tehran: ABŞ atəşkəsi pozduğu üçün peşman olacaq
İslamazeri.com xəbər verir ki, İran Parlamentinin Milli Təhlükəsizlik və Xarici Siyasət Komissiyasının rəhbəri İbrahim Əzizi, danışıqlar davam edərkən ABŞ-ın İrana qarşı daha bir hücum başlatdığını və Vaşinqtonun atəşkəs və danışıqlar prinsiplərinə əməl etmədiyini iddia etdiyini bildirib.
Sosial media paylaşımında Əzizi ABŞ-ı atəşkəsi pozmaqda günahlandırıb.
Danışıqlar davam edərkən ABŞ-ın İrana bir daha hücum etdiyini bildirən Əzizi deyib: "Məğlub ABŞ prezidenti bir daha danışıqlar və ya atəşkəs prinsiplərinə sadiq olmadığını göstərdi".
İran rəsmisi atəşkəsin "ehtiyatsızcasına pozulmasının" keçmişdə olduğu kimi geri çəkilməyə və peşmançılığa səbəb olacağını bildirib.
Əzizi həmçinin "Günahlandırma oyunu artıq işə yaramır" şərhini verib.
