Rusiyanın xarici işlər naziri Sergey Lavrov regiondakı son hadisələr və Moskva-Tehran münasibətləri ilə bağlı mühüm qiymətləndirmələr aparıb.
İslamazeri.com xəbər verir ki, "Əl-Cəzirə"nin məlumatına görə, Lavrov İranın Rusiya üçün yaxın və strateji tərəfdaş olduğunu vurğulayaraq bildirib ki, Moskva Yaxın Şərqdəki mövcud inkişaflar və artan mürəkkəblik qarşısında qətiyyən səssiz qalmayacaq.
Regiondakı vəziyyətin son dərəcə həssas olduğunu qeyd edən Lavrov bildirib ki, İranla bağlı hadisələr bütün Yaxın Şərqi bürüyə biləcək partlayış riskini göstərir.
Rusiya xarici işlər naziri həmçinin qeyd edib ki, Rusiya Tel-Əviv, Vaşinqton və Tehran arasındakı mövcud gərginliyin azaldılmasına və böhranların həllinə konstruktiv töhfə verməyə hazırdır.
