İnqilab Keşikçiləri İordaniyadakı ABŞ hədəflərinə raket hücumu həyata keçirib.
İslamazeri.com xəbər verir ki, İran İnqilab Keşikçiləri Korpusu İordaniyanın Əl-Əzraq bölgəsindəki ABŞ hava bazası və komandanlıq və nəzarət mərkəzindəki dörd əsas hədəfi uzun mənzilli bərk yanacaqlı raketlərlə vurduğunu açıqlayıb.
İran İnqilab Keşikçiləri Korpusunun İctimaiyyətlə Əlaqələr Bölməsi tərəfindən yayımlanan açıqlamada Aerokosmik Qüvvələrin İordaniyanın Əl-Əzraq bölgəsindəki ABŞ hərbi obyektlərinə qarşı raket əməliyyatı keçirdiyi bildirilib.
Bəyanatda F-35 qırıcı təyyarələrinin anqarları və ABŞ hərbi komandanlıq və nəzarət mərkəzi də daxil olmaqla, uzun mənzilli bərk yanacaqlı raketlərlə vurulduğu bildirilir.
Bəyanatda həmçinin İran qüvvələrinin mümkün yeni hücumlara hazır olduğu vurğulanaraq, "Qüvvələrimiz düşmənin hər hansı yeni hücumuna qarşı qətiyyətli və sarsılmaz cavab verməyə hazırdır. Hər hansı yeni hücumun nəticələrinə görə Amerika tərəfi məsuliyyət daşıyacaq" ifadəsi yer alıb.
