Səudiyyə Ərəbistanının müdafiə naziri şahzadə Xalid bin Salman Türkiyə prezidenti Rəcəb Tayyib Ərdoğanın səfəri zamanı imzalanan saziş çərçivəsində Səudiyyə Ərəbistanının Türkiyədən PUA alacağını açıqlayıb.
İslamazeri.com xəbər verir ki, Türkiyə prezidenti Rəcəb Tayyib Ərdoğan Körfəz səfərinin ilk mərhələsi çərçivəsində dünən Səudiyyə Ərəbistanının Ciddə şəhərinə səfər edib.
Ərdoğan səfəri çərçivəsində vəliəhd şahzadə Məhəmməd bin Salman ilə ikitərəfli və heyətlərarası görüşlər keçirib. Nümayəndə heyətləri arasında keçirilən görüşlərdən sonra iki ölkə arasında birbaşa investisiya, sənaye, enerji, müdafiə və rabitə sahələrində 5 müqavilə imzalanıb.
Səudiyyə Ərəbistanının müdafiə naziri şahzadə Xalid bin Salman Baykar ilə Səudiyyə Ərəbistanı Müdafiə Nazirliyi arasında imzalanan Əməkdaşlıq Sazişinin təfərrüatlarını açıqlayıb.
Selman sosial media hesabından verdiyi açıqlamada, bildirib: "İki dost ölkə arasında hərbi və müdafiə sahəsində əməkdaşlıq səyləri çərçivəsində Türkiyənin Milli Müdafiə naziri cənab Yaşar Gülər ilə müdafiə sahəsində əməkdaşlıq planı imzaladıq".
Səudiyyə Ərəbistanının müdafiə və istehsal gücünü gücləndirmək məqsədilə nazirliklə Baykar şirkəti arasında iki alış müqaviləsi imzalandığını bildirən Selman, ölkəsinin bu çərçivədə Türkiyədən PUAalacağını açıqlayıb.
