Suriya sərhədindən İraq hava məkanının pozulduğu iddia edilib.
İslamazeri.com xəbər verir ki, İraqın Ənbar əyalətindəki təhlükəsizlik mənbəyi ABŞ və İsrailə məxsus olduğu güman edilən döyüş təyyarələrinin Suriya sərhədindən İraq hava məkanını pozduğunu və bölgədə şübhəli kəşfiyyat uçuşları həyata keçirdiyini bildirib.
Təhlükəsizlik rəsmisi təyyarənin Suriya sərhədinə yaxın əl-Qaim bölgəsi üzərində yüksək hündürlükdə uçduğunu bildirib.
Eyni mənbə təyyarənin trayektoriyasının İranın raket əməliyyatları ilə hədəf alınan İsrail mövqelərindəki inkişaflarla paralel olaraq dəyişdiyini və onların Nineva əyaləti istiqamətində yoxa çıxdığını bildirib.
Rəsmi, qərbi Ənbardakı yaşayış məntəqələri üzərində hava kəşfiyyatının əsl səbəbinin hələ müəyyən edilmədiyini vurğulayaraq, bölgədəki təhlükəsizlik vəziyyətinin illərdir sabit olduğunu qeyd edib.
Rəsmi bildirib ki, "Uzun müddətdir dinc və təhlükəsizlik pozuntularından azad olan bu şəhərlər üzərində döyüş təyyarələrinin uçuşlarının bərpası şübhəli fəaliyyət hesab olunur".
Təyyarənin kimliyi və əməliyyat məqsədi ilə bağlı hələlik rəsmi açıqlama verilməsə də, bölgədəki hərbi fəaliyyətin izlənildiyi qeyd edilib.
