Suriya, Livan və İordaniyada temperaturun düşməsi nəticəsində üç uşaq ölüb, minlərlə insan böyük risk altındadır.
İslamazeri.com AZƏRTAC-a istinadən xəbər verir ki, “CARE” humanitar təşkilatının məlumatına görə, Suriyada və qonşu ölkələrdə üç suriyalı uşağın ölümünə səbəb olan şiddətli fırtınalar minlərlə insanı böyük risk altına salıb.
BMT-nin Türkiyədəki Humanitar Məsələlər üzrə Koordinasiya Ofisinin məlumatına görə, fırtınalar nəticəsində 362 çadır zədələnib, düşərgələrdə yaşayan 2124 suriyalı köçkünə ziyan dəyib.
Qeyd edək ki, İordaniya, Livan və Suriyada temperaturun son 40 ilə nəzərən aşağı düşərək mənfi 14 dərəcəyə və daha aşağı səviyyəyə çatacağı gözlənilir.
