Xatəmül-Ənbiya Mərkəzi Qərargahının sözçüsü təcavüzkar, terrorçu və pirat ABŞ ordusunun atəşkəsi pozduğunu bildirib.
İslamazeri.com xəbər verir ki, İranın Xatəmül-Ənbiya Mərkəzi Qərargahının sözçüsü ABŞ-ın İran tankerlərini və mülki əraziləri hədəf alaraq atəşkəsi pozduğunu bildirib. Bəyanatda bildirilir ki, İran Silahlı Qüvvələri ABŞ hərbi gəmilərinə hücum edərək cavab verib.
Sözçü ABŞ-ın Caskdan Hörmüz boğazına gedən bir İran neft tankerini və BƏƏ-nin Fuceyra limanı sahillərində Hörmüz boğazına daxil olan başqa bir gəmini hədəf aldığını bildirib.
Sözçü həmçinin bəzi regional ölkələrlə əməkdaşlıq çərçivəsində Hamir limanı, Sirik sahili və Qişm adası ətrafındakı mülki ərazilərin hava hücumlarına məruz qaldığını qeyd edib.
Bəyanatda İran Silahlı Qüvvələrinin dərhal cavab verərək Hörmüz boğazının şərqində və Çabaharın cənubunda yerləşən ABŞ hərbi gəmilərini hədəf aldığı və əhəmiyyətli ziyan vurduğu bildirilib.
Sözçü əlavə edib: “Günahkar və təcavüzkar ABŞ və onu dəstəkləyən ölkələr bilməlidirlər ki, İran İslam Respublikası keçmişdə olduğu kimi, istənilən təcavüzə güclü və birmənalı şəkildə cavab verəcək”.
