Tramp HTŞ tərəfindən idarə olunan Suriyanı terrorizmi dəstəkləyən dövlətlər siyahısından çıxardı.
İsamazeri.com xəbər verir ki, ABŞ Prezidenti Donald Tramp Konqresə Suriyadakı Hayat Təhrir əş-Şam (HTS) rejimini terrorizmin dövlət sponsorları siyahısından çıxarmaq niyyəti barədə məlumat verib. ABŞ Dövlət Departamenti son qərarın Konqres tərəfindən 45 günlük nəzərdən keçirmə müddətindən sonra veriləcəyini açıqlayıb.
Dövlət Departamenti prosesi başlatmaq üçün HTŞ-nin "terrorizmə qarşı mübarizədə atdığı addımları" və HTŞ lideri Əbu Məhəmməd əl-Colaninin (indiki Əhməd əl-Şara) ölkənin beynəlxalq terrorizmi dəstəkləməyəcəyinə dair verdiyi zəmanətləri səbəb kimi göstərib.
HTŞ-in siyahıdan çıxarılması son qalan məhdudiyyətləri aradan qaldırmaq, ölkənin beynəlxalq ticarət və investisiyalara çıxışı üçün yol açmaq və yenidənqurma səyləri üçün uyğun şərait yaratmaq məqsədi daşıyır.
ABŞ Dövlət Departamentinin bəyanatında deyilir: "Öz daxilində və qonşuları ilə sülh içində yaşayan sabit və vahid Suriya təkcə regiona deyil, bütün dünyaya fayda verəcək".
Bu arada, rejimin Xarici İşlər Nazirliyi Vaşinqtonun qərarını ikitərəfli münasibətlərin inkişafında "irəliləyişdə mühüm addım" kimi xarakterizə edib. Nazirlik qərarın iqtisadi bərpanı dəstəkləyəcəyini, ticarəti artıracağını, xarici investisiyaları təşviq edəcəyini və regional təhlükəsizliyə və sabitliyə töhfə verəcəyini bildirib.
Həyat Təhrir əş-Şamın xarici işlər naziri Əsəd Həsən Şeybani bunun Suriya tarixində "qaranlıq bir fəslin bağlanması" olduğunu bildirib. Şeybani açıqlamasında ABŞ-a və Donald Trampa təşəkkür edib.
Suriya 1979-cu ildən bəri ABŞ-ın terrorizmi dəstəkləyən dövlətlər siyahısındadır. Siyahıda həmçinin İran, Şimali Koreya və Kuba da var.
