Yəmənin paytaxtı Sənaya hava hücumu edilib.
İslamazeri.com xəbər verir ki, yerli mənbələr Yəmənin paytaxtı Səna üzərindən hərbi təyyarələrin uçuşu zamanı güclü partlayış baş verdiyini bildirib. Partlayışın səsinin hətta Sənanın şimalındakı Ümran əyalətində də eşidildiyi bildirilir.
Əl-Məsirənin məlumatına görə, yerli mənbələr bu gün səhər saatlarında Sənanın hava hücumuna məruz qaldığını bildiriblər.
Xəbərdə bildirilir ki, hərbi təyyarələr Səna üzərində uçarkən şəhərdə güclü partlayış səsi eşidilib.
Yerli sakinlər həmçinin partlayışın o qədər güclü olduğunu və səsinin hətta Sənanın şimalındakı Ümran əyalətində də eşidildiyini bildiriblər.
Hədəf götürülən ərazi, mümkün itkilər və ya maddi ziyan barədə hələlik heç bir məlumat verilməyib.
