Çərşənbə günü TAAL partiyasından olan Knesset deputatı Əhməd Tibi "103FM" radiostansiyasına verdiyi müsahibədə Milli Təhlükəsizlik naziri İtamar Ben-Qvirin ad gününü xatırladıb.
İslamazeri.com xəbər verir ki, israilli deputat nazirin həyat yoldaşı Ayalanın ona üzərində asılmış kəndir təsviri və "Bəzən arzular çin olur" yazısı olan tort hədiyyə etməsindən danışıb.
Bu təsvir keçən ilin mart ayında ikinci və üçüncü oxunuşdan keçən "terrorçular üçün ölüm hökmü haqqında qanun"un simvoludur.
"Bu hal mənim ixtisasım olmasa da, bir həkim kimi əlavə vəzifələrimdən istifadə etmək məcburiyyətindəyəm," – deyə Tibi bildirib.
"Bu ailəyə təcili psixiatr lazımdır. Təcili. Bunlar iki ruhi xəstədir, lakin bu psixopatiyanın İsrail cəmiyyətində tərəfdarları var".
"Adətən ad günü tortu üzərində biz daha yaxşı gələcək və sevgi arzulayırıq. Bu insanlar isə nifrət və ölümə pərəstiş edirlər, buna görə də bu vəziyyət həqiqətən müalicə tələb edən bir psixi xəstəlikdir", -deyə Tibi bildirib.
O, həmçinin əlavə edib ki, "bu arada biz bu insanların reallığı dəyişməsinə məcbur edəcək və hamımızı xilas edəcək ortaq bir siyahı yarada bilərik".
