İran ABŞ-ı münafiq adlandırdı

İran XİN başçısı bu cür bəyanatla çıxış edib.

İslamazeri.com-un RİA-ya istinadən verdiyi xəbərə əsasən, Ağ Evin "İran xalqının dinc etirazlarını" dəstəkləməsinə dair bəyanatından sonra, İranın xarici işlər naziri Məhəmməd Cavad Zərif ABŞ-ı "həyasızcasına ikiüzlülükdə" ittiham edib.

"İrana qarşı iqtisadi terror həyata keçirən, adi insanların, xüsusilə də xəstə və qocaların dərman və ərzaq əldə etməsinə mane olan bir rejimin bu cür həyasızcasına İran xalqını dəstəklədiyini elan etmək haqqı yoxdur", - deyə o qeyd edib.

Onun sözlərinə görə, bu cür bəyanatlar "utancverici yalan" və ikiüzlülükdür.

İran XİN-dən bildiriblər ki, Vaşinqton iqtisadi təzyiq yolu ilə öz tələblərini İrana qəbul etdirmək məsələsini özünün əsas vəzifəsi hesab edir.

Xatırladaq ki, daha öncə Rusiya XİN-dən bildirmişdilər ki, İranda benzinin qiymətinin qalxmasının fonunda baş vermiş etirazlarda xarici qüvvələrin əlinin olması ehtimalı var.

İran ABŞ-ı "münafiq" adlandırdı