Rusiyanın Kursk şəhərində yerləşən hərbi hava limanında yanacaq anbarına pilotsuz uçuş aparatı (PUA) tərəfindən hücum olub.
İslamazeri.com Türkiyə mediasına istinadən xəbər verir ki, bu barədə Kursk vilayətinin qubernatoru Roman Starovoy özünün "Telegram" kanalında bildirib.
Roman Starovoy "Kursk hava limanına PUA-nın hücumu nəticəsində neft anbarı yanıb. Ölən yoxdur. Yanğın söndürülür. Hadisə yerində xüsusi xidmət orqanlarının əməkdaşları fəaliyyət göstərir" deyib.
Rusiya Müdafiə Nazirliyi Ukraynanın PUA-larla Rusiyanın Dyagilevo və Engels hərbi hava limanlarına hücum etdiyini, hücumlarda 3 əsgərin həlak olduğunu olduğunu, 4 əsgərin yaralandığını bildirib.
