Tahir Budaqov Dövlət Statistika Komitəsinin sədri vəzifəsindən azad edilərək Nəsimi Rayon İcra Hakimiyyətinin başçısı təyin olunub.
İslamazeri.com xəbər verir ki, Azərbaycan Respublikasının Prezidenti İlham Əliyev Tahir Yaqub oğlu Budaqovla bağlı iki müvafiq sərəncam imzalayıb.
Azərbaycan Respublikası Konstitusiyasının 109-cu maddəsinin 5-ci bəndini rəhbər tutan dövlət başçısının sərəncamı ilə Tahir Budaqov Azərbaycan Respublikasının Dövlət Statistika Komitəsinin sədri vəzifəsindən azad edilib.
Digər sərəncama əsasən, Konstitusiyanın 124-cü maddəsinin II hissəsini rəhbər tutaraq Tahir Yaqub oğlu Budaqov Bakı şəhəri Nəsimi Rayon İcra Hakimiyyətinin başçısı təyin edilib.
Sərəncamlar 2026-cı il fevralın 9-da imzalanıb.
